देशातील सामान्य जनतेला महागाईचा आणखी एक मोठा धक्का बसला आहे. गेल्या अनेक दिवसांपासून स्थिर असलेल्या इंधन दरांमध्ये आज मोठी वाढ Petrol Diesel Price Hike करण्यात आली आहे. आज 15 मे 2026 रोजी पहाटे 6 वाजल्यापासून पेट्रोल आणि डिझेलच्या नवीन किमती लागू झाल्या आहेत. तेल कंपन्यांनी मध्यरात्रीच ईमेलद्वारे या दरवाढीची अधिकृत घोषणा केली, ज्यामुळे आता सर्वसामान्यांच्या मासिक बजेटवर मोठा ताण येणार आहे.
किती झाली दरवाढ?
नव्या निर्णयानुसार, (New Decisions On Petrol And Diesel) पेट्रोलच्या दरात प्रति लिटर 3.14 रुपये तर डिझेलच्या दरात प्रति लिटर 3.11 रुपयांची घसघशीत वाढ झाली आहे. या वाढीमुळे आता एक लिटर पेट्रोलसाठी तुम्हाला 97.77 रुपये मोजावे लागतील, तर डिझेलचा दर 90.67 रुपये प्रति लिटरवर पोहोचला आहे. विशेष म्हणजे 2022 नंतर पहिल्यांदाच अशा प्रकारे मोठी दरवाढ एकाच वेळी करण्यात आली आहे.
का महागले इंधन?
या दरवाढीमागे जागतिक राजकीय परिस्थिती कारणीभूत असल्याचे सांगितले जात आहे. आखाती देशांमध्ये अमेरिका आणि इराण यांच्यात सुरू असलेल्या युद्धजन्य परिस्थितीमुळे कच्च्या तेलाच्या पुरवठ्यावर परिणाम झाला आहे. होर्मुझच्या सामुद्रधुनीमध्ये निर्माण झालेल्या अडथळ्यांमुळे आंतरराष्ट्रीय बाजारात कच्च्या तेलाच्या किमती भडकल्या (Crude Oil Prices International Market Hike) आहेत. तसेच, जागतिक (Global Market) बाजारपेठेत डॉलरच्या तुलनेत रुपयाची होत असलेली घसरण (Rupee Falls Against The Dollar)हे देखील या दरवाढीचे एक प्रमुख कारण मानले जात आहे.
हे पण वाचा: सोने कडाडले, तर चांदी स्वस्त! आयात शुल्कातील वाढीमुळे भावात मोठी उडी; जाणून घ्या तुमच्या शहरातील दर
तेल कंपन्यांना बसतोय मोठा तोटा
केंद्रीय पेट्रोलियम मंत्री हरदीप सिंग पुरी (Union Petroleum Minister Hardeep Singh Puri) यांनी या परिस्थितीवर स्पष्टीकरण दिले आहे. त्यांच्या मते, आंतरराष्ट्रीय स्तरावर कच्च्या तेलाचे दर वाढल्यामुळे तेल कंपन्यांना दररोज सुमारे 1,000 कोटी रुपयांचे नुकसान सहन करावे लागत आहे. या कंपन्यांचा एकूण तोटा (Under-recovery) सुमारे 1.98 लाख कोटी रुपयांपर्यंत जाण्याचा अंदाज आहे. हा आर्थिक तोटा भरून काढण्यासाठी आणि कंपन्यांना आर्थिक संकटातून वाचवण्यासाठी ही दरवाढ करणे अपरिहार्य असल्याचे सरकारने म्हटले आहे.
हे पण वाचा: कमी पगारातही घर कसं चालवायचं? महागाईवर मात करण्यासाठी वापरा या 9 ‘स्मार्ट’ टिप्स!
सर्वसामान्यांचे कंबरडे मोडणार
इंधन दरवाढीचा थेट परिणाम (Impact of Rising Fuel Prices) आता मालवाहतुकीवर होणार आहे, ज्यामुळे भाजीपाला, फळे आणि इतर जीवनावश्यक वस्तूंच्या किमती वाढण्याची दाट शक्यता आहे. याआधीच अमूल आणि मदर डेअरीने दुधाचे दर वाढवले आहेत, तसेच सीएनजीच्या किमतीतही वाढ झाली आहे. अशातच आता पेट्रोल-डिझेल महागल्याने सर्वसामान्य नागरिकांच्या खिशाला मोठी कात्री लागणार हे स्पष्ट झाले आहे.
हे पण वाचा: Instant Loan हवंय? या 5 गोष्टी लक्षात ठेवा आणि Credit Score झपाट्याने सुधारवा!
हे पण वाचा: तुमचे पैसे आहेत का सुरक्षित बँकेत? आरबीआयने जाहीर केली देशातील सर्वात सुरक्षित १० बँकांची यादी
बचतीचे आवाहन
पंतप्रधान नरेंद्र मोदी यांनी नुकतेच देशवासीयांना इंधनाचा वापर जपून करण्याचे आवाहन केले होते. जागतिक स्तरावरील अनिश्चितता पाहता, आगामी काळातही इंधन दरांमध्ये चढ-उतार (Petrol Diesel Price Hike) पाहायला मिळू शकतात. त्यामुळे नागरिकांनी वैयक्तिक वाहनांऐवजी सार्वजनिक वाहतुकीचा वापर करावा, अशा सूचना तज्ज्ञांकडून दिल्या जात आहेत.
