महाराष्ट्र राज्य सरकारने आपल्या सरकारी कर्मचाऱ्यांसाठी एक आनंदाची घोषणा केली आहे. राज्यातील सरकारी कर्मचाऱ्यांचा महागाई भत्ता 12 टक्क्यांनी वाढवण्यात आलेला आहे, ज्यामुळे लाखो सरकारी कर्मचाऱ्यांसाठी हा निर्णय एक मोठा दिलासा ठरला आहे.
तुम्ही ऐकलेच असेल की सातवा वेतन आयोगाच्या अंतर्गत कार्यरत असणाऱ्या कर्मचाऱ्यांचा महागाई भत्ता तीन टक्क्यांनी वाढवण्यात आला आहे. या वाढीमुळे सातव्या वेतन आयोगाच्या कर्मचाऱ्यांचा महागाई भत्ता आता 53 टक्के झाला आहे. मात्र पाचवा वेतन आयोग अंतर्गत कार्यरत असलेल्या सरकारी कर्मचाऱ्यांसाठी सरकारने मोठा निर्णय घेतला आहे. त्यांचा महागाई भत्ता 12 टक्क्यांनी वाढवला गेला आहे.
सर्वसामान्यतः पाचवा वेतन आयोग अंतर्गत असलेल्या कर्मचाऱ्यांचा DA म्हणजेच महागाई भत्ता 443 टक्क्यांवरून आता 455 टक्क्यांपर्यंत वाढला आहे. ही वाढ जुलै 2024 पासून लागू होईल. महत्त्वाची गोष्ट म्हणजे या वाढीचा फायदा थेट कर्मचाऱ्यांच्या पगारात दिसून येईल, आणि जुलै ते जानेवारी महिन्यांमधील थकबाकी सुद्धा मार्च 2025 च्या पगारासोबत एकत्र दिली जाईल.
कर्मचाऱ्यांच्या हितासाठी घेतलेला हा निर्णय महाराष्ट्र सरकारने आपल्या 17 लाख सरकारी कर्मचाऱ्यांना लागू केला आहे. सरकारने हा आदेश मंगळवारी जारी केला आहे. याचा अर्थ, राज्यातील सरकारच्या कर्मचार्यांना आर्थिक फायदा होईल, आणि त्या फायद्याची थकबाकी त्यांना मार्च 2025 मध्ये मिळेल.
यामध्ये एक आणखी महत्त्वाची बातमी आहे की, केंद्रीय सरकारी कर्मचाऱ्यांचा महागाई भत्ता सुद्धा लवकरच वाढवला जाणार आहे. केंद्रीय सरकारने याबाबत निर्णय घेतला असून केंद्रीय कर्मचाऱ्यांचा महागाई भत्ता 53 टक्क्यांवरून 56 टक्क्यांपर्यंत वाढवला जाणार आहे. ही वाढ 2025 च्या जानेवारी महिन्यापासून लागू होईल.
