आजकाल गाडी असणे ही एक सामान्य बाब झाली आहे. परंतु, गाडी घेणाऱ्यांना कार इन्शुरन्स घेण्याचे महत्त्व कळत नाही. (How To Claim Car Insurance After Accident In India) अनेक लोक कार इन्शुरन्स घेण्यास कचरतात, कारण त्याला लागणारा प्रीमियम जास्त असतो. पण, हा खर्च भविष्यात तुमच्या सुरक्षिततेसाठी महत्त्वाचा ठरू शकतो. गाडीचा अपघात किंवा इतर कोणत्याही कारणामुळे गाडीला झालेल्या नुकसानीसाठी इन्शुरन्स कंपनी तुम्हाला मदत करू शकते. त्यामुळे कार इन्शुरन्स घेणे आवश्यक आहे.
कार इन्शुरन्सचा फायदा
कार इन्शुरन्स तुम्हाला गाडीच्या दुरुस्तीचे आणि इतर खर्चाचे संरक्षण प्रदान करते. तुमच्या गाडीचा अपघात झाल्यास, चुकून काही घडल्यास, किंवा गाडीची खराबी झाल्यास, इन्शुरन्स तुम्हाला हा खर्च कव्हर करते. (How To Claim Car Insurance After Accident In India) त्यामुळे कार इन्शुरन्स घेणं फार महत्त्वाचं आहे.
इन्शुरन्स क्लेम कसा करावा?
-
अपघात झाल्यानंतर ताबडतोब इन्शुरन्स कंपनीला कळवा: जर तुमच्या गाडीचा अपघात झाला असेल, तर तुम्हाला तुमच्या इन्शुरन्स कंपनीला लगेच कळवणं आवश्यक आहे. हे तुम्ही ऑनलाइन, कॉल, किंवा इन्शुरन्स कंपनीच्या अॅप्सच्या माध्यमातून करू शकता.
-
अर्ज करा आणि माहिती द्या: अपघाताची सर्व माहिती एजंटला देणं महत्त्वाचं आहे. यामध्ये कधी, कुठे, कसा अपघात झाला हे सांगणं आवश्यक आहे.
-
एफआयआर नोंदवा: जर अपघातात तिसरी व्यक्ती सामील असेल, तर एफआयआर (प्रथम माहिती रिपोर्ट) नोंदवणं अनिवार्य आहे. ही प्रत तुमच्या इन्शुरन्स कंपनीला द्यावी लागेल.
-
गाडीचा सर्व्हे: इन्शुरन्स कंपनीचा एजंट तुमच्या गाडीचा सर्व्हे करण्यासाठी येतो. तो तुमच्या गाडीच्या नुकसानीचा आढावा घेतो.
कागदपत्रांची आवश्यकता
इन्शुरन्स क्लेम करताना तुम्हाला काही कागदपत्रांची आवश्यकता पडेल. यामध्ये तुमच्या इन्शुरन्स पॉलिसीची प्रत, वाहन नोंदणी प्रमाणपत्र, ड्रायव्हिंग लायसन्स इत्यादी कागदपत्रांची आवश्यकता असते. तुम्ही एखाद्या मेकॅनिककडून गाडीच्या दुरुस्तीचे खर्च मिळवले असतील, तर त्याचे हिशेब इन्शुरन्स एजंटला देणे आवश्यक आहे.
प्रीमियम कमी करणे
तुम्हाला वाटत असेल की तुम्ही गाडी फार कमी चालवता, उदाहरणार्थ 2500 किमी पेक्षा कमी, तर तुम्ही कमी किमी असलेली पॉलिसी खरेदी करू शकता. यामुळे तुमचा प्रीमियम कमी होईल आणि तुम्हाला पैसे वाचवता येतील. मात्र, याचा एक तोटा आहे, की जर तुम्ही 2500 किमी पूर्ण झाल्यानंतर गाडी चालवली तर तुमच्या पॉलिसीचे नूतनीकरण करणे आवश्यक आहे, अन्यथा तुमचे इन्शुरन्स कव्हरेज बंद होईल.
